曾志偉孖家燕姐拍西片

    曾志偉將於一月二十一日正式離任電視廣播有限公司（TVB）總經理（節目內容營運）、結束五年來勞心勞力壓力超大的崗位。早前，曾志偉夥拍薛家燕支持王梓軒首嘗電影製作人的《選美兄弟班》(Rags 2 Richmond)電影版，更遠赴加拿大參與拍攝，日前電影拍攝工作已順利完成。

    向來工作非常繁忙的曾志偉，這次在王梓軒的誠意打動下參與演出，更特意遠赴加拿大開工，卻只能在當地停留七十二小時！為抓緊時間，連時差都未過就立即埋位，期間又到溫哥華商場取景，吸引大批影迷及途人拍照。志偉說：“好開心見到《選美兄弟班》喺網絡上成績咁好，又攞埋獎，今次有份參與電影版，仲可以同家燕姐一齊拍，好開心。我好享受拍電影，雖然今次唔係第一次拍西片，但係外國劇組有工會制度，就算今次我只係留七十二個鐘，都照顧得我好好，有足夠時間休息。”他指香港拍電影以效率見稱，不同地方有不同文化：“其實係各有優點，作為演員，我兩邊都好享受。”