許靖韻初直播帶貨嗌辛苦
許靖韻(Angela)日前首次挑戰社交平台直播帶貨，雖然是首次帶貨，但開播期間已衝上該平台一年一度的Camping榜第三位；有品牌甚至將今次直播嘅庫存賣光，需要在直播尾段返場補貨滿足觀眾需要。Angela十分認真對待這個“第一次”，事事親力親為，為了從逾千件產品中挑選出適合直播介紹的貨品，她前後進行兩次選品，並花上數個月時間，最後精選約一百件產品上場。首次實戰六小時，Angela坦言準備過程遠比想像中辛苦，笑言認為比舉行演唱會更具挑戰：“第一次做買手原來發現都幾攰，由籌備到開播到完成，仲難過做演唱會，排舞都冇咁辛苦，哈哈。”
一向習慣在舞台上演出的Angela，本來以為做演唱會已經十分消耗體力，但完成今次直播後，她才發現演唱會換衫根本不算甚麼：“做三個鐘頭演唱會換六套衫突然間發覺好輕鬆，因為我做直播六個鐘頭直播換咗十套衫，期間仲要不停講嘢。平時做演唱會，導演會喺耳機係咁提我唔好講咁多嘢，快啲唱歌，今次終於唔使畀人催，可以大講特講。”除了要長時間維持精神狀態，Angela亦要在直播期間持續介紹不同產品，對反應及表達能力均是一大考驗。不過，經過今次經驗，她對買手工作有了更深體會，亦感受到向followers分享心水用品並非想像中簡單。
