盧海鵬收咪唔係收山

    相士批命，過不到七十九歲的盧海鵬，果然健康麻麻，幸得周潤發帶着行山，行到今年八十三歲。宣佈盧海鵬粗口試咪，演唱會係威。明年一月《鳴金收咪演唱會》，文化中心舉行。“全晩玩即興，鍾意點玩就點玩，歌單已在我腦裡，乘機請一班朋友睇騷聚會。（好友周潤發、老闆古天樂會否捧場？）未知。”

    “收咪！”鵬哥解釋演唱會主題：“不代表收山。收咪只代表不講粗口，（怕不怕忍不住‘試咪’？）這個要睇心情！今次開騷，以唱歌為主，服裝耀眼，要有閃片，依然會跳唱……。”

    曾經扮演欣宜，肥肥在台上笑到失禁，扮演羅文，幾可亂真……。有“扮嘢王”之稱的盧海鵬開騷，預告會扮嘢，“但，不會花時間重現過往的經典造型，用聲音用表情已可‘扮嘢’，即興唱幾句《幾許瘋語》……。”

    近期沒有跟周潤發跑步了，盧海鵬自言：“我有持續每日跑步鍛煉身體。跑步健身後，沒有病過，最近檢查糖尿問題都解決，指數報告好靚。但係有一隻眼盲了，另一隻視力好矇，行路要慢一點，驚仆低；要快都可以好快。”鵬哥狀態，仍然精靈講得笑。

    《收咪演唱會》嘉賓……“到時見到誰，便拉上台即興表演”。談到已故許紹雄，盧海鵬不勝感觸：“我年紀比佢大，佢比我早兩屆參加無線藝員訓練班，他是我師兄。突然入醫院就話死，人生幾何？好難講……。”

    糖尿初癒，眼睛不靈光，體力剛復元，八十四歲耄耋之年，一旦《鳴金收咪》，能否應付兩個小時演唱會？“我唱成晩都得。”鵬哥霸氣回應：“最多唱到冇聲，全晩即興。”

    高梁