宣萱古天樂互揭舊帳
日前一集娛樂訪談節目《一周星星》，宣萱及古天樂的爆笑互動夠搶焦外，兩位的“出土考古片”亦極有話題性。原來宣萱一九九四年曾於公司一個活動上，公開提出藝人與歌星合作拍劇的問題，當中包括遲到。當時宣萱的樣子雖然仍相當幼嫩，但說出的言辭卻極之有Point，令同場的鄭伊健及郭晉安拍爛手掌之餘，坐在宣萱附近的古仔亦聽到托晒腮兼凝望宣萱。談到當年“烈女”事件，宣萱搞笑謂：“我都話好多謝公司冇雪我咯，呢個係真心話嚟嘅！”古仔聞言搭嘴：“係人拍劇都會遲嘅。”豈料宣萱認真謂：“我唔遲。”古仔即改玩擦鞋：“咁你咪做阿姐咯。”
除了“烈女敢言”出土片，製作組還翻出了宣萱同一年在音樂節目《週末任你點》中的超勁跳舞片，片中宣萱不但全程投入，而且甚有飛躍感，跳到馬尾飛揚、雙腳離地，成功掀起高潮。另外，還預備了古仔一九九七年在《華星光輝銀禧演唱會》中獻唱《像我這一種男人》的珍貴片段，片中古仔難得表現剝衫露出結實肌肉，令宣萱睇到眼都凸埋，並驚嘆謂：“你肯做嘅？”之後又爆料指古仔根本不喜歡表演唱歌：“以前好似推你去死咁 ，叫你唱歌。”豈料古仔扯開話題，並自爆有人群恐懼謂：“你（嗰時）鬧啲歌手，我坐喺後面我都想死，喂，咁多人嘅現場”。
