龔嘉欣獲肥媽教冧仔姣功

    龔嘉欣、肥媽(Maria Cordero)及李家鼎（鼎爺）前日出席無線節目《在家宴客60道菜》記者會，現場率先播放節目精彩片段。嘉欣被肥媽笑指她感情仍未有着落，全因不夠姣。

    記者會上嘉欣、肥媽及鼎爺與香港名廚邵德龍、李文星、黃永幟、許美德、Jacques Kagi一同分享拍攝感受。嘉欣更即場示範劏肉蟹，並由肥媽、鼎爺教授劏蟹技巧及貼士。

    嘉欣表示因上次節目口碑好，所以再添食，但因為要夾大家的檔期，所以隔了好耐先再開拍節目，但都好開心。今次拍攝節目時，大家除了講廚藝，最關心是她的感情狀況，肥媽更教嘉欣怎樣去姣男人：“今次因為大家熟絡咗，所以話題都比較大膽直接。（肥媽嫌你唔夠姣？）你唔好聽佢講喇，以前我性格比較直，有個句講個句，但其實都需要學識溫柔，我都有呢一面只係大家唔發覺，肥媽口中講姣嘅尺度，自己真係搞唔掂，佢叫我眼甘甘望住對方，人哋可能唔知咩事，真係一巴摑埋嚟。”

    問到會否自薦參加戀綜《女神配對計劃2》，嘉欣自爆早已有人邀她拍節目：“公司其實都有問過我，但我已經拒絕咗，自己而家心態比較隨緣。”