陳法拉回勇首執導獨立電影

    前日陳法拉現身澳門，出席第二屆銀河娛樂集團澳門國際短片節(MISFF)。身穿黑色Tube Dress的她，對比早前出席多倫多國際電影節驚現“排骨胸”時，手臂明顯有肉，狀態回勇。

    陳拉法透露首部由她執導的獨立電影將於十二月中開拍，籌備接近一年，劇本由她親自撰寫。她說：“係一部西部片，由兩位年輕演員演出，個劇本寫咗近一年，改咗十幾個，已經好精簡同刺激，Cut咗啲場景就冇咁貴，拍獨立短片就係咁。”

    首次執導的她，很開心能與自己喜歡的團隊合作，她說：“今次好好彩，之前拍電影好多專業美術、攝影、化妝都嚟幫手，拍膊頭話OK會度期。”問到會否找《贖夢》的“蔡辛強”張家輝幫手，法拉笑說：“搵佢嚟做茶水，之前佢執導呢部片，我見佢都辛苦，見到佢對電影好熱愛同執着，我覺得感動到我，現場學到好多嘢。”

    問到忙於拍獨立電影又要兼顧家庭，會否減少拍攝港產片？法拉斷言說：“唔會，我拍好少時間，唔會有衝突。反而等緊好劇本同有發揮嘅角色，香港冇人搵我拍戲，我又唔係貴喎。”