賈思樂大爆情人節瘀事

    入行超過五十年的賈思樂，今年情人節將會再開騷，舉行《Happy Together Again 2026 in Concert》，HoyTV主播俞詠文(Angela)請來賈思樂，以及永遠的靖哥哥黃日華，一齊暢談開心事。

    談到上一次合作，二人是合演舞台劇，今次莫非賈思樂會與黃日華一起合唱？賈思樂笑言請不起：“要華哥開金口好貴，不過我哋係講心唔講金，佢不嬲都係一個好有義氣嘅人，從來都唔會托手踭。”而華哥亦表示只要賈思樂開到口，一定幫手。

    講到演唱會將會在浪漫情人節後一日舉行，黃日華表示自己並不是一個浪漫的人：“當年我老婆成日都投訴我唔夠浪漫，嚟嚟去去都係嗰幾招，都係送九十九朵玫瑰之類，佢收到就會好開心！同埋我冇咁多時間去構思乜嘢驚喜嘅Party，賈翁就浪漫好多喇。”賈思樂認同說：“我唔可以用勁嚟形容，我係好浪漫，不過出到嚟嘅效果就好唔浪漫，係烏龍囉。我曾經喺情人節，約狄寶娜摩亞去五星級酒店食燭光晚餐，點知就將成半支茄汁，唧落佢嘅高踭鞋嗰度，越抹就越核突，尷尬到死囉。”