劉穎鏇想同家人過聖誕

    日前劉穎鏇到商場參與聖誕拍攝活動，既工作又可以乘機揀聖誕禮物。講到聖誕節劉穎鏇就一臉雀躍，直言歸心似箭：“我主要個目標係希望聖誕可以返到去LA（洛杉磯）嗰邊陪屋企人過囉，但我係未買機票嘅，因為始終做嘢為主，希望一有空檔時間就可以即刻走。”她透露每年聖誕都好渴望能與家人一齊度過，全家人食飯、傾偈嘅感覺特別溫暖。劉穎鏇笑言家人作風好洋化、好Chill，唔會被“逼供”終身大事：“佢哋反而成日問我喺香港做緊乜，拍緊咩劇或者綜藝節目，想了解我嘅工作多啲！”

    近日忙於拍攝無線電視劇《飛行日誌2》的劉穎鏇，她預告該劇將於十二月埋尾，之後有機會開拍新綜藝節目。雖然劉穎鏇近日人氣急升，但佢自爆其實係一名“宅女”，平時好少主動出街，最喜歡留喺屋企。她說：“同朋友出街食飯都會嘅，如果被粉絲認出，都會大方影相同簽名嘅，不過如果太素顏可能就會戴返個口罩遮遮，費事嚇親人。”