陳穎欣嫁陳考威澳洲完婚

    前Super Girls成員陳穎欣(Yanny)與音樂監製陳考威(Gareth)拍拖九年，終修成正果，前日在澳洲完婚，並於社交網貼圖分享喜悅。兩人獲前隊友蔡明思、吳嘉禧，以及多位藝人越洋到賀。

    新娘子陳穎欣分享喜悅說：“好開心到外地舉行婚禮，見到好多朋友，大家都玩得好開心。最難得就算唔喺香港，仍然見到一班熟悉嘅面孔，有一種好特別感覺，佢哋坐好耐飛機嚟參加我哋嘅婚禮，所以好開心，好感動同好感恩。在場有好多賓客，大家都一齊唱歌、表演，令全場氣氛都好高漲，特別在場嘅每位歌手，都送上佢哋特別嘅歌聲祝福。雖然我同Gareth都好攰，唔係好夠休息，好多事要去籌備，好彩有個好朋友幫手搞呢個婚禮，令我哋輕鬆好多，可以盡量享受其中。我覺得最驚喜係Gareth不停喊，因為佢平時係一個好少喊嘅人，但現場無論進場、同父母說話、影相，佢都好感觸咁喊，令到我都覺得好感動。我本身認為結婚可以簡簡單單就好了，好多謝Gareth提出一定要搞呢個婚禮，畀我嘅體驗原來係咁開心、咁有幸福感，令到大家都覺得好難忘。”