陳友平常心看隊友撈起

    第一集為《芷珊約您》打響頭炮的嘉賓，是已經在樂壇屹立五十年、由譚詠麟（阿倫）、鍾鎮濤（阿B）、陳友、彭健新及葉智強組合而成的溫拿樂隊。溫拿五子之中阿倫及阿B較受歡迎，二人在溫拿出道不久已獲各方邀請單飛發展，為了顧及其餘三位好兄弟而一直未有行動。芷珊追問陳友見到其他隊員更受歡迎會否唏噓，陳友說：“睇你執咗咩籌，咁你執咗支打鼓籌，你咪認住支打鼓籌。唱歌嘅係front man，一定要有咁嘅條件，就係睇起上嚟好舒服、可以吸引到萬千擁躉嘅。自己要問返自己有冇呢啲條件先？我覺得我後生嗰時就冇（呢啲條件）嘅。”

    陳友娓娓道來溫拿為何在七八年決定嘗試各自發展：“嗰兩個靚仔小鮮肉好多人搵佢哋獨立發展口架嘛，咁你走咗隊band點呢？我覺得佢哋有難處嘅，咁我哋三個（陳友、健仔及智強）咪商量話不如停吓，各有各做啲嘢先啦，幾年後睇吓係咪再聚埋啦，唔通三十歲仲彈結他咩，係咪應該搵啲自己各自嘅事業呢？大家好兄弟，有啲嘢唔好等佢講，大家明吖嘛。”聽落極度窩心，亦因為這樣，溫拿建立了每隔五年便聚在一起開騷的傳統。