“姚明”：希望C朗捧盃
澳門球迷確實對葡萄牙有一種難以解釋的情意結，加上C朗拿度的“圈粉”效應，支持者又豈只足球界，就連“姚明”都係C朗粉絲，講緊係澳門籃球運動員黎家棟。
黎家棟在世界盃開鑼前已買定葡萄牙波衫，且係目前市面上幾乎斷貨斷碼的作客球衣，大讚球衣款式及顏色超靚，佢心水捧邊隊呼之欲出：“我肯定支持葡萄牙，因為鍾意C朗，好佩服佢不服輸的性格，以及自律到極緻的精神。今屆好大可能係C朗的最後一屆世界盃，所以希望葡萄牙能夠捧盃，我覺得全隊都想為佢拼盡爭取一次冠軍。”
