無論做人做事,有「Heart」則圓融。一間有「Heart」的西洋菜餐館,承載一個夢想,做出色的「西洋菜」,普羅大眾都能隨時品嚐的西餐,這亦係店名為什麼不叫西洋菜餐廳而叫西洋菜餐館的原因,輕鬆品味拒絕拘謹。當師傅又是老板的泰眉飛色舞向我地介紹每一道菜製作過程時,深深感受到那份「Heart」。西洋菜餐館,主理歐陸菜系,老板先後就職Rubuchon及文華東方,擅長法、意、西班牙料理。如果你是吃貨,相信你聽過「西洋菜」這名字,兩年前佢係外賣店,當時口碑已不錯。
南灣湖畔的西洋菜菜館
薄切北海道帶子配葡腸及柚子汁 $148
西洋菜除左菜正外,佢嘅景觀也正,煙花時節西洋菜 天台是賞煙花最佳地點。 |
出乎意料的一餐,話梅可以做西菜,雪茄唔抽係成支食落肚的,以為係飯其實係意粉的意粉,真的煮出無限可能!
是日晚餐由一道經典意大利菜,柚子汁薄切北海道帶子打開胃口,柚子汁的微酸及清新帶出北海道帶子的鮮味,天合之作莫過如此。既然開了胃,咁再來一個前菜吧,清新番茄沙律配番茄乾及話梅絲,想像得到新鮮番茄遇上番茄乾再加上話梅絲是甚麼味道?出彩在於添加話梅核浸橄欖油的汁液,食得「招積了冷」就係呢D。
清新番茄沙律配番茄乾及話梅絲 $72
一個長形罌罐端上,不禁猜測裡面的是什麼美食?一打開,雪茄啊!真係估佢唔到,「西洋菜」自家製蟹肉雪茄,先用紅酒醋及印度香料加仁里醃製蟹肉,然後加沙律醬,再將春卷皮裁剪後包裹蟹肉,最後以罌粟籽裝飾雪茄。呢D「雪茄」食多幾支都冇有怕,唔怕畀人睥畀人罰款。
西洋菜蟹肉雪茄 3條 $88
主菜比目魚配時令海鮮及紅酒燴牛肉配鄉村麵包,冇得輸!老板好坦白告知法式香草茄蓉煮比目魚配時令海鮮的茄蓉係用罐頭茄醬,但如果唔講你食唔出,有時高超技藝會將不完美變成美味!而布根地紅酒燴牛肉配鄉村麵包,又係一道絕配佳餚,選用美國牛腩再紅酒慢燴兩粒鐘而成,鄉村麵包是法國南部經典菜式,有心的師傅泰為經典重現,將這道菜寫入餐牌。
壓軸出場是以為係飯其實係意粉的米形意粉,混合帕瑪臣及雜菌,口感似飯又似粉,非常過癮。
布根地紅酒燴牛肉配鄉村麵包 $72
法式香草茄蓉煮比目魚配時令海鮮 $108
帕瑪臣雜菌米形意粉 $92